Parku Kombëtar i Shebenikut, i dyti për nga madhësia, pas Alpeve është një pasuri natyrore, me një sipërfaqe prej 34507.9 ha, në të cilën jetojnë llojet më të rëndësishme të florës dhe faunës. Natyra ka qenë zemërgjerë me dy vargmalet që ndodhen brenda parkut, duke sjellë një numër të lartë bimësh dhe kafshësh që popullojnë zonën. Parku njihet për 14 liqenet akullnajore si dhe shpellat me vlera të veçanta. Gjithashtu nuk harrojmë të përmendim Rrajcën, pozicionuar në pjesën juglindore të parkut, një pasuri unike me pyje mbi 300 vjeccar të ahut. Prej vitit 2017 është edhe pjesë e Listës së Trashëgimisë Botërore të UNESCO-s.
